سأكتب لكم إن شاء الله رباعيات صلاح جاهين على حلقات
مع إن كل الخلق من أصل طين
و كلـــهم بينزلــوا مغمـضـــــين
بعد الدقايق و الشهور و السـنين
تلاقى ناس أشرار و ناس طيبين
عجبى
*********
عجبى عليك عجبى عليك يا زمن
يا أبو البدع يا مبكـى عينى دمـــا
إزاى أنا أختار لروحــــى طريق
وأنا اللى داخل فى الحياه مرغما
عجبى
**********
مرغم عليك يا صبح مغصوب يا ليل
لا دخلتها برجليــــــا و لا كانلى ميل
شايلنى شيل دخلت أنا فى الحــــــياه
و بكره ح خرج منها شايلنــــى شيل
عجبى
**********
سنوات و فايته على فوج بعد فوج
واحــده خادتنى ابن والتانيه زوج
و التالته أب خدتنى و الرابعه إيه
إيه يعمل الله بيحدفه موج لــموج
عجبى