موضوع: اللى عايز يجيب تقدير فى الكلية يدخل هنا مش هيندم السبت سبتمبر 12, 2009 2:37 am
اعرفكم بنفسى انا مهى ليسانس اداب قسم تاريخ ودلوقتى بحضر ماجستير فى التاريخ الحديث والمعاصر المهم انا حبيت اح ط لكم تجربتى فى الجامعة وطريقة المذاكرة الصح وطريقة الاجابة فى الامتحان وكيفية الحصول على تقدير عالى سواء لاخواتى اللى اول مرة يدخلوا الجامعة او لاخواتى فى الفرق المختلفة علشان بجد التقدير بينفع وبيسند مش هطول عليكو كتير بس عايزة اسأل سؤال ليه الدكتور بيدى لورقة امتياز ولورقة تانية جيد جدا ولاخرى مقبول الى اخره اكيد فى حاجة بتميز الورقة اللى خدت امتياز تعالوا نشوف :ــ اولا :ـ طريقة المذاكرة فن وطريقة الاجابة فى الامتحان بردة فن ثانيا:ـ لازم من اول يوم فى الدراسة نبتدى صح ونحضر كل المحاضرات ونكتب كل حرف بيقوله الدكتور فى المحاضرة علشان فى حاجات كتير الدكتور بيقولها فى المحاضرة مش موجودة فى الكتاب واحنا مطالبين بيها لمل بنكتبها فى الاجابة فى الامتحان بتميزنا وترفع تقديرنا وهقولكم نكتبها ازاى ثالثا:ـ كلنا عارفين ان الكتب بتنزل متأخر واننا لازم نشتريها علشان الشيت بتاع البحث لازم ميبقاش كل اعتمادنا على الكتاب لما ينزل ونقول لسه الكتاب منزلش لما ينزل هبقى اذاكر ولما الدكتور يلغى ويدى المكرر هتلاقى الوقت سرقك وكله اكربس فوق دماغك انالازم اكون مسجله المحاضرات وعلى الاقل اقرأها ولما ينزل الكتاب اذاكره كويس يعنى اشوف الموضوع اللى اتشرح اذكره من الكتاب والمحاضرات رابعا:ـ المراجع اهم شئ علشان نجيب تقدير مش نقول كفاية اننا نذاكر اللى فى الكتاب والمحاضرات بس ده اللى مش عايز يتفوق ويجيب تقدير خليكوا اصدقاء المكتبة الموضوع اللى الدمتور يشرحه اروح بسرعة المكتبة واجيب له على الاقل مرجعين او تلاتة على الاقل واخ من كل مرجع فقرة لو سطرين تناسب الموضوع خامسا :ـ فى مواد وموضوعات كتير بتكون محتاجة رسومات زى الخرائط مثلا مثلا قسم الجغرافيا والتاريخ يعنى عندنا فى تاريخ لازم نرسم مثلا خريطة توضح خط سير حملة معينة اونرسم مثلا خريطة اسكندرية فى العصر البطلمى مثلا دى بنجبها من مراجع وبنحفظها وبنحاول فى الامتحان نرسمها قدرالامكان بالشكل الصحيح يعنى الرسومات بتكون حسب احتياج الموضوع ولو الموضوع مش محتاج مش لازم نرسمها
دى كلها حاجات بتساعدنا نجيب تقدير عالى يوم الامتحان:ـ لما باخد ورقة الاجابة ازاى ابتدى اجابة السؤال؟ ولا بختار السؤال اللى هبدأ بيه وببتدى الاجابة كالاتى:ـ
بقول :سأتناول الحديث عن موضوع من الموضوعات المتعلقة بتاريخ اوربا فى العصور الوسطى مثلا (اكتب نوع المادة كلا حسب تخصصه)الا وهو(اسم الموضوع) فبلا شك فقد حظى هذا الموضوع باهتمام المؤرخين والباحثين هذاويذكر لنا الدكتور سعيد عاشور فى هذا الصدد الاتى :ـ(واخد فقرة من مرجع ابتدى بيها الاجابة واكتب توثيقها فى الاخر الصفحة بنفس طريقة توثيق البحث) وبعدين اكتب الحاجات اللى قالها الدكتور فى المحاضرة واقول (هذا وقد ذكرتم سيادتكم فى المحاضرة الاتى واكتب اللى اتقال يخص الموضوع) وبعدين اكتب اللى فى الكتاب وخلال اجابتى مكتفيش انى بدات الاجابة من مرجع واسكت لازم اكتب كمان اجزاء من مراجع واكتب توثيقها يعن لما تخد فقرة من مرجع اكتب بجوارها(1)رقمها وفى نهاية الصفحة اكتب انا جبتها منين مثلا د/احمد شلبى:موسوعة التاريخ الاسلامى والحضارة الاسلامية ،ج1،دار صادر ،بيروت،1960،ص22 بنفس الشكل يكون التوثيق ولو فيه خريطة نرسمها بكدا لما الدكتور يشوف الورقة هيلاقى انك كتبت من مراجع يعنى تعبت ولفيت ورحت المكتبة وهيلاقى المحاضرة يعنى حضرت المحاضرة مش قعدت فى الكافتريا وتروح تشترى ملخصات من المكتبات وهيلاقى الكتاب يعن اشتريت الكتاب كدا ان شاء الله ملوش حجة انه يديك امتياز او على الاقل جيد جدا اشفى للاطالة بس والله انا عايزة افيدكم بحاجة خاصة انى الدراسة على الابواب وانا عايزاكم كلكم تتفوقوا وانا تحت امركم اللى يحتاج يسأل او يستفسر على حاجة من طلاب قسم التاريخ او اى تخصص اخر